-मि॒च्छमा॑न॒स्तस्मा॑ ए॒तद्-भा॑ग॒धेयं॒ प्राय॑च्छन्ने॒तद्वा अ॒ग्नेर॑ग्निहो॒त्रमे॒तर्.हि॒ खलु॒ वा ए॒ष जा॒तो यर्.हि॒ सर्व॑श्चि॒तो जा॒तायै॒वास्मा॒ अन्न॒मपि॑ दधाति॒ स ए॑नं प्री॒तः प्री॑णाति॒ वसी॑यान् भवति ब्रह्मवा॒दिनो॑ वदन्ति॒ यदे॒ष गार्.ह॑पत्यश्ची॒यतेऽथ॒ क्वा᳚स्याऽऽहव॒नीय॒ इत्य॒सावा॑दि॒त्य इति॑ ब्रूयादे॒तस्मि॒न्॒.हि सर्वा᳚भ्यो दे॒वता᳚भ्यो॒ जुह्व॑ति॒ - [ ]
पदपाठः (Word-by-word)
इ॒च्छमा॑नः । तस्मै᳚ । ए॒तत् । भा॒ग॒धेय॒मिति॑ भाग - धेय᳚म् । प्रेति॑ । अ॒य॒च्छ॒न्न् । ए॒तत् । वै । अ॒ग्नेः । अ॒ग्नि॒हो॒त्रमित्य॑ग्नि - हो॒त्रम् । ए॒तर्.हि॑ । खलु॑ । वै । ए॒षः । जा॒तः । यर्.हि॑ । सर्वः॑ । चि॒तः । जा॒ताय॑ । ए॒व । अ॒स्मै॒ । अन्न᳚म् । अपीति॑ । द॒धा॒ति॒ । सः । ए॒न॒म् । प्री॒तः । प्री॒णा॒ति॒ । वसी॑यान् । भ॒व॒ति॒ । ब्र॒ह्म॒वा॒दिन॒ इति॑ ब्रह्म-वा॒दिनः॑ । व॒द॒न्ति॒ । यत् । ए॒षः । गार्.ह॑पत्य॒ इति॒ गार्.ह॑-प॒त्यः॒ । ची॒यते᳚ । अथ॑ । क्व॑ । अ॒स्य॒ । आ॒ह॒व॒नीय॒ इत्या᳚ - ह॒व॒नीयः॑ । इति॑ । अ॒सौ । आ॒दि॒त्यः । इति॑ । ब्रू॒या॒त् । ए॒तस्मिन्न्॑ । हि । सर्वा᳚भ्यः । दे॒वता᳚भ्यः । जुह्व॑ति ।