य ए॒वं ॅवि॒द्वान॒ग्निं चि॑नु॒ते सा॒क्षादे॒व दे॒वता॑ ऋद्ध्नो॒त्यग्ने॑ यशस्वि॒न्॒ यश॑से॒ मम॑र्प॒येन्द्रा॑वती॒ मप॑चिती मि॒हाऽऽव॑ह । अ॒यं मू॒र्द्धा प॑रमे॒ष्ठी सु॒वर्चाः᳚ समा॒नाना॑मुत्त॒म श्लो॑को अस्तु ॥भ॒द्रं पश्य॑न्त॒ उप॑ सेदु॒रग्रे॒ तपो॑ दी॒क्षामृष॑यः सुव॒र्विदः॑ । ततः॑ क्ष॒त्रं बल॒मोज॑श्च जा॒तं तद॒स्मै दे॒वा अ॒भि सं न॑मन्तु ॥ धा॒ता वि॑धा॒ता प॑र॒मो - [ ]
पदपाठः (Word-by-word)
यः । ए॒वम् । वि॒द्वान् । अ॒ग्निम् । चि॒नु॒ते । सा॒क्षादिति॑ स - अ॒क्षात् । ए॒व । दे॒वताः᳚ । ऋ॒द्ध्नो॒ति॒ । अग्ने᳚ । य॒श॒स्वि॒न्न् । यश॑सा । इ॒मम् । अ॒र्प॒य॒ । इन्द्रा॑वती॒मितीन्द्र॑ - व॒ती॒म् । अप॑चिती॒मित्यप॑ - चि॒ती॒म् । इ॒ह । एति॑ । व॒ह॒ ॥ अ॒यम् । मू॒द्र्धा । प॒र॒मे॒ष्ठी । सु॒वर्चा॒ इति॑ सु - वर्चाः᳚ । स॒मा॒नाना᳚म् । उ॒त्त॒मश्लो॑क॒ इत्यु॑त्त॒म - श्लो॒कः॒ । अ॒स्तु॒ ॥ भ॒द्रम् । पश्य॑न्तः । उपेति॑ । से॒दुः॒ । अग्रे᳚ । तपः॑ । दी॒क्षाम् । ऋष॑यः । सु॒व॒र्विद॒ इति॑ सुवः - विदः॑ ॥ ततः॑ । क्ष॒त्रम् । बल᳚म् । ओजः॑ । च॒ । जा॒तम् । तत् । अ॒स्मै । दे॒वाः । अ॒भि । समिति॑ । न॒म॒न्तु॒ ॥ धा॒ता । वि॒धा॒तेति॑ वि - धा॒ता । प॒र॒मा ।