यजुर्वेद

सु॒तासः॑ ॥ यत् । ई॒म् । स॒बाध॒ इति॑ स - बाधः॑ । पि॒तर᳚म् । न । पु॒त्राः । स॒मा॒नद॑क्षा॒ इति॑ समा॒न-द॒क्षाः॒ । अव॑से । हव॑न्ते ॥ अग्ने᳚ । रसे॑न । तेज॑सा । जात॑वेद॒ इति॒ जात॑ - वे॒दः॒ । वीति॑ । रो॒च॒से॒ ॥ र॒क्षो॒हेति॑ रक्षः - हा । अ॒मी॒व॒चात॑न॒ इत्य॑मीव - चात॑नः ॥ अ॒पः । अन्विति॑ । अ॒चा॒रि॒ष॒म् । रसे॑न । समिति॑ । अ॒सृ॒क्ष्म॒हि॒ ॥ पय॑स्वान् । अ॒ग्ने॒ । एति॑ । अ॒ग॒म॒म् । तम् । मा॒ । समिति॑ । सृ॒ज॒ । वर्च॑सा ॥ वसुः॑ । वसु॑पति॒रिति॒ वसु॑ - प॒तिः॒ । हिक᳚म् । असि॑ । अ॒ग्ने॒ । वि॒भाव॑सु॒रिति॑ वि॒भा - व॒सुः॒ ॥ स्याम॑ । ते॒ । सु॒म॒ताविति॑ सु-म॒तौ । अपि॑ ॥ त्वाम् । अ॒ग्ने॒ । वसु॑पति॒मिति॒ वसु॑ - प॒ति॒म् । वसू॑नाम् । अ॒भि । प्रेति॑ । म॒न्दे॒ ।