अथ वायो-रेकादश-पुरुषस्यैकादश॑-स्त्रीक॒स्य ॥ प्रभ्राजमानानाꣳ रुद्राणाꣳ स्थाने स्वतेज॑सा भा॒नि । व्यवदातानाꣳ रुद्राणाꣳ स्थाने स्वतेज॑सा भा॒नि । वासुकिवैद्युतानाꣳ रुद्राणाꣳ स्थाने स्वतेज॑सा भा॒नि । रजतानाꣳ रुद्राणाꣳ स्थाने स्वतेज॑सा भा॒नि । परुषाणाꣳ रुद्राणाꣳ स्थाने स्वतेज॑सा भा॒नि । श्यामानाꣳ रुद्राणाꣳ स्थाने स्वतेज॑सा भा॒नि । कपिलानाꣳ रुद्राणाꣳ स्थाने स्वतेज॑सा भा॒नि । अतिलोहितानाꣳ रुद्राणाꣳ स्थाने स्वतेज॑सा भा॒नि । ऊर्द्ध्वानाꣳ रुद्राणाꣳ स्थाने स्वतेज॑सा भा॒नि

अवपतन्तानाꣳ रुद्राणाꣳ स्थाने स्वतेज॑सा भा॒नि । वैद्युतानाꣳ रुद्राणाꣳ स्थाने स्वतेज॑सा भा॒नि । प्रभ्राजमानीनाꣳ रुद्राणीनाꣳ स्थाने स्वतेज॑सा भा॒नि । व्यवदातीनाꣳ रुद्राणीनाꣳ स्थाने स्वतेज॑सा भा॒नि । वासुकिवैद्युतीनाꣳ रुद्राणीनाꣳ स्थाने स्वतेज॑सा भा॒नि । रजतानाꣳ रुद्राणीनाꣳ स्थाने स्वतेज॑सा भा॒नि । परुषाणाꣳ रुद्राणीनाꣳ स्थाने स्वतेज॑सा भा॒नि । श्यामानाꣳ रुद्राणीनाꣳ स्थाने स्वतेज॑सा भा॒नि । कपिलानाꣳ रुद्राणीनाꣳ स्थाने स्वतेज॑सा भा॒नि । अतिलोहितीनाꣳ रुद्राणीनाꣳ स्थाने स्वतेज॑सा भा॒नि ( ) । ऊर्द्ध्वानाꣳ रुद्राणीनाꣳ स्थाने स्वतेज॑सा भा॒नि । अवपतन्तीनाꣳ रुद्राणीनाꣳ स्थाने स्वतेज॑सा भा॒नि । वैद्युतीनाꣳ रुद्राणीनाꣳ स्थाने स्वतेज॑सा भा॒नि । ओउम् भूर्भुव॒स्स्वः॑ । रूपाणि वो मिथुनं मा नो मिथु॑नꣳ री॒ढ्वं ।